Framseld reglugerð framkvæmdastjórnar ESB 2016/161 um öryggisþætti á umbúðum lyfja fyrir menn, kemur til framvæmda á Evrópska efnahagssvæðinu á morgun, 9. febrúar.   Fyrsti hluti á nýju kerfi sem ætlað er að koma í veg fyrir að fölsuð lyf komist í dreifingu og berist til sjúklinga verður tekið í gagnið hér á landi. Þar með uppfyllir Ísland kröfur tilskipunar og reglugerðar ESB /EES um öryggisþætti lyfja. Þetta kemur fram í tilkynningu frá Lyfjaauðkenni ehf. sem kom upp kerfinu hér á landi   Frá og með morgundeginum verður lyfjaframleiðendum skylt að auka öryggi lyfja með því að merkja umbúðir lyfseðilsskyldra lyfja á ákveðinn hátt og skrá upplýsingarnar í Evrópska Lyfjaauðkenniskerfið. Þá verður lyfjaframleiðendum einnig skylt að innsigla allar lyfjapakkningar.   Sjá frétt frá Lyfjastofnun  Hér https://www.lyfjastofnun.is/utgefid-efni/frettir/reglugerd-um-oryggisthaetti-a-lyfjaumbudum-gengur-i-gildi-a-morgun